skip to main |
skip to sidebar
தேவையான பொருட்கள்:
- கத்தரிக்காய் - 2
- வெங்காயம் - 1
- தக்காளி - 1
- பச்சை மிளகாய் - 2
- கடுகு - சிறிது
- மஞ்சள் தூள் - 1/4 ஸ்பூன்
- மிளகாய் தூள் - 1/2 ஸ்பூன்
- மல்லித் தூள் - 1/4 ஸ்பூன்
- உப்பு - 1/2 ஸ்பூன்
- கொத்தமல்லி - சிறிது
- எண்ணெய் - 2 ஸ்பூன்
செய்முறை :
- கூகேரில் எண்ணெய் ஊற்றி காய்ந்ததும் கடுகு தாளித்து பொடியாக நறுக்கிய வெங்காயம், பச்சை மிளகாய் சேர்த்து வதக்கவும்.
- பின் நறுக்கிய கத்தரிக்காய், தக்காளி சேர்த்து வதக்கவும்.
- நன்கு வதங்கியதும் மிளகாய் தூள், மஞ்சள் தூள், தனிய தூள்,உப்பு சேர்த்து வதக்கி 2 கப் தண்ணீர் ஊற்றி 2 விசில் விடவும்.
- கூக்கரை திறந்து தண்ணீரை வடித்துவிட்டு கத்தரிக்காயை நன்கு மசித்துவிட்டு வடித்த தண்ணீரை சேர்த்து 5 நிமிடம் கொதிக்கவிடவும்.
- கத்திரிக்காய் சட்னி ரெடி .கொத்தமல்லி தூவி பரிமாறவும். இட்லி,தோசையுடன் நன்றாக இருக்கும்.
தேவையான பொருட்கள்:
- உருளைக்கிழங்கு - 2
- பச்சை பட்டாணி - 1/2 கப்
- மிளகாய் தூள் - 1 ஸ்பூன்
- கரம் மசாலா - 1/4 ஸ்பூன்
- வெங்காயம்-1
- சீரகம்- 1/4 ஸ்பூன்
- உப்பு - 3/4 ஸ்பூன்
- மைதா - 2 கப்
- எண்ணெய் - 3 கப்
- தண்ணீர் - 2 கப்
செய்முறை:
- ஒரு பெரிய பௌலில் மைதா, 1/4 ஸ்பூன் உப்பு, 1 ஸ்பூன் எண்ணெய் சேர்த்து, கொஞ்சம் கொஞ்சமாக தண்ணீர் விட்டு, சப்பாத்தி மாவு போல் மென்மையாக பிசைந்துக் கொள்ள வேண்டும்.
- பின் அதனை ஒரு ஈரமான துணியால் மூடி 30 நிமிடம் ஊறவிட வேண்டும்.
- பின்னர் ஒரு பௌலில் வேகவைத்த உருளைக்கிழங்கு, பச்சை பட்டாணி போட்டு, நன்கு ஒன்றாக மசித்துக் கொள்ள வேண்டும்.
- பின்பு ஒரு கடாயில் 1 ஸ்பூன் எண்ணெய் ஊற்றி சூடானதும் சீரகம் போட்டு பொரிந்ததும் நீளமாக வேட்டிவைத்த வெங்காயம் சேர்த்து வதக்கவும்.
- வெங்காயம் வதங்கியதும் அதில் உப்பு, கரம் மசாலா, மிளகாய் தூள் சேர்த்து கிளறி, பிசைந்து வைத்துள்ள உருளைக்கிழங்கு மசாலாவை போட்டு கிளறவும்.
- ஊற வைத்துள்ள மைதா மாவை, சிறு உருண்டைகளாக உருட்டி,அதை வட்ட வடிவில் தேய்த்து கொள்ளவும். பின் அதை அரைவட்டமாக வெட்டி ,அதனை கூம்பு வடிவில் செய்து, அதன் நடுவே, பிசைந்து வைத்துள்ள உருளைக்கிழங்கு கலவையை வைத்து மூடி, ஒரு தட்டில் வைத்துக் கொள்ள வேண்டும்.
- பின்னர் ஒரு கடாயில் எண்ணெய் ஊற்றி காய்ந்ததும், அந்த சமோசாக்களை போட்டு, பொன்னிறமாக பொரித்து எடுக்க வேண்டும்.
- சுவையான வெஜிடேபிள் சமோசா ரெடி.தக்காளி சாஸ் உடன் பரிமாறவும்.
தேவையான பொருட்கள்:
- தக்காளி - 3
- காரட் -1
- பீட்ரூட் - 1 சிறிய துண்டு
- பூண்டு - 3 பல்
- இஞ்சி - சிறியது
- கொத்தமல்லி காம்பு - 4 துண்டு
- பட்டை - 1
- கிராம்பு - 2
- பிரியாணி இலை - 1
- கார்ன் மாவு - 1 ஸ்பூன்
- உப்பு - 3/4 ஸ்பூன்
- மிளகு - 10
- பட்டர் - 1/2 ஸ்பூன்
- தண்ணீர் - 2 கப்ஸ்
- பிரட் - 2
செய்முறை:
- பிரஷர் கூகேரில் தக்காளி,நறுக்கிய காரட், பீட்ரூட்,பட்டை,கிராம்பு, பிரியாணி இலை, மிளகு, கொத்தமல்லி காம்பு, இஞ்சி,பூண்டு, தண்ணீர் சேர்த்து 3 விசில் விடவும்.
- பின் தக்காளியின் தோலை எடுத்துவிடவும்.
- பட்டை,கிராம்பு,பிரியாணி இலையை நீக்கிவிட்டு,மீதமுள்ள அனைத்தையும் மிக்ஸியில் போட்டு நன்கு அரைத்து கொள்ளவும்.
- பின் ஒரு பாத்திரத்தில் அரைத்த சாருடன் சிறிது தண்ணீர் சேர்த்து கொதிக்கவிடவும்.
- 2 நிமிடம் கொதித்ததும் கார்ன் மாவை தண்ணீரில் கட்டிபடாமல் கரைத்து சூப்புடன் சேர்க்கவும்.
- சிறு தீயில் வைத்து 4 நிமிடம் கொதிக்க விட்டு உப்பு,பட்டர் சேர்த்து கிளறி பிரட் துண்டுகளை பொரித்து மேலே போட்டு பரிமாறவும்.
